Eusguneak
Mugaz gaindiko eremuan euskararen ezagutza eta erabilera bultzatzea
- Exekuzio epea : 05/2025 12/2027
- Aurreikusitako kostu osoa: 2.560.002,00€
- Onartutako EEGF : 1.664.001,00€
- Fila burua: Hizkuntza Politika Saila (Eusko Jaurlaritza-Gobierno Vasco)
- Lankide: HABE, EUSKARABIDEA, OPLB-EEP
Deskribapena
EUSGUNEAK proiektuak euskararen erabilera sustatzeko lankidetza sare bat ezarri nahi du, Euskadiko, Nafarroako eta Pirinio Atlantikoetako komunitateen arteko hizkuntza oztopoak murriztuz. Mugaz gaindiko ikuspegia duen EUSGUNEAK proiektuak hezkuntza eta euskara ikasteko azpiegituren modernizazioa sustatzen du eta horretarako, euskararen irakaskuntzan eskumena duten erakunde publikoen arteko lankidetza indartu eta hizkuntzaren irisgarritasuna areagotzen du. Gainera, plangintza bateratu eta jasangarri bat ezarri nahi du Mendebaldeko Eremu Funtzionaleko lurraldeetan epe luzera euskararen erabilera sustatzeko.
EUSGUNEAK proiektuak eragin nabarmena izango du euskararen erabileraren sustapenean, 25.000 pertsona baino gehiagok erabiliko baitute egitasmo honetako INGURA plataforma. Gainera, Pirinio Atlantikoetako 300 ikaslek eta 36 gaztek hartuko dute parte egonaldietan eta euskara ikastaroetan, hizkuntza oztopoak murrizten eta eskualdean hizkuntza sustatzen lagunduz.
Ekintza nagusiak
- INGURA plataforma digitala garatzea: euskara ikasteko web tresna aurreratu bat sortzea, 4 hizkuntzatan eskuragarri egongo dena (euskara, gaztelania, frantsesa eta ingelesa) eta euskarazko A1, A2 eta B1 prestakuntza-mailetarako eduki didaktikoak garatzea eta herritarrentzat eta hezkuntza-erakundeentzat eskuragarri jartzea.
- Frantziako mugikortasun eta prestakuntza programak bultzatzea: euskarazko egonaldiak eta udalekuak antolatzea ikasleentzat eta gazteen euskarazko gaitasuna hobetzeko prestakuntzak eskaintzea, lurraldeko behar soziolinguistikoetara egokituta.
