AFOMEFEK INTERREG POCTEFAK (2021-2027) PROGRAMATUTAKO MUGAZ GAINDIKO 6 LANKIDETZA PROIEKTUAK AURKEZTUKO DITU URTARRILAREN 30EAN FICOBAN
Datorren urtarrilaren 30ean, AFOMEFek Mendebaldeko Eremu Funtzionaleko mugaz gaindiko sei lankidetza-proiektu abiaraziko ditu FICOBAn (Irun). LANEAN, HEZHI, MUGAZIKLO, TRANSFERMUGI, EUSGUNEAK eta SAREBIDE proiektuak INTERREG POCTEFA 2021-2027 programaren barruan eta FEDER funtsen bitartez kofinantziatutakoak dira.
Jardunaldiak AFOMEFen gobernantzan parte hartzen duten erakunde ordezkari instituzionalak, POCTEFA programako arduradunak eta Europako Batzordeko adituak bilduko ditu, baita proiektuak gidatzen eta gauzatzen dituzten talde teknikoak, tokiko erakundeak eta mugaz gaindiko lankidetzaren funtsezko eragileak ere.
Proiektuak izango dira ekitaldiaren protagonistak, eta balioa emango die mugaz gaindiko lurraldearen erronka partekatuei, enplegua, mugikortasuna eta eleaniztasuna bezalako funtsezko esparruetan. Ardatz tematiko horietako bakoitzari Europako adituek landuko dute, lurraldeetako ordezkariekin eta proiektuetako bazkideekin lankidetzan, abian dauden ekintzen eta mugaz gaindiko eremuan duten eraginaren ikuspegi bateratua eskainiz.
Sei proiektu hauek funtsezko etapa bat markatzen dute AFOMEFen Lurralde Estrategia Integratua eta POCTEFA programaren 5. Helburu Politikoa ezartzeko orduan, Europa herritarrei hurbiltzera eta FEDER funtsen lurraldetasuna indartzera bideratua. Era berean, Akitania Berriko, Euskadiko eta Nafarroako lurraldeen arteko lankidetza sendotzeko prozesuaren jarraipenean sartzen dira.
Ekitaldi honen bidez, Akitania Berria Euskadi Nafarroa Euroeskualdeak, AFOMEFen koordinatzaile gisan, berretsi egiten du bere konpromisoa lurralde-kohesio politiken alde, administrazioen eta bazkide estrategikoen arteko lankidetzaren indartzearen alde, eta “bizitza-eremuetan” eta bertan bizi diren herritarrengan eragin positibo eta iraunkorra sortuko duten ekimenak bultzatze aldera, mugaz gaindiko lankidetzarako benetako lurralde-guneak sendotuz.
Kontsultatu programa osoa eta izena emateko inprimakia (edukiera mugatua).